Vans Warped Tour

Festival de música e de deportes extremos celebrado principalmente en Estados Unidos e Canadá, e ás veces en Europa, Xapón e Australia. 

O festival inclúe atraccións para os deportistas, lugares de venta de produtos das bandas que actúan e de firma de autógrafos, editores de revistas, selos discográficos independentes e patrocinadores; ademais lévase a cabo unha iniciativa ecolóxica. O festival está principalmente dirixido a xente nova, adecuando os artistas ao que parece ter máis éxito entre este tipo de audencias.

Este ano ten lugar entre xuño, xullo e agosto en Estados Unidos, e a lista de artistas será revelada o 26 de marzo.

Ultra

Gran festival de música electrónica fundado en 1999 en Miami, Florida. Co paso de tempo foi levado a países como Croacia, España, Paraguay, Brasil, Perú, Xapón, Arxentina ou Sudáfrica.

Este ano en Miami será celebrado entre o 18 e 20 de marzo, e  actuarán celebridades do xénero como Afrojack, Armin Van Buuren, Caribou, Chet Faker, Crystal Castles, Prodigy ou Tiësto.

Electric Daisy Carnival

Festival de música electrónica presentado por Insomniac Events, e levado a cabo por primeira vez en Los Angeles en 1997. Dende entón foi estendida a  outros lugares dos Estados Unidos como California, Colorado, Florida, Illinois, Nevada, New Jersey, New York, Texas e Puerto Rico, ademais doutros países como México, Reino Unido,  Brasil e Xapón. Entre outros estilos lévanse a cabo concertos de música EDM, house, dance, techno e dubstep. Ten ademais diversas atraccións, unha gran escenografía e obras artísticas; e actuacións carnavalescas.

Este ano foi levado a cabo en Mexico City o 27 e 28 de febreiro, e terá lugar en New York o 14 e 15 de maio, en Las Vegas do 17 ao 19, o 9 de xullo en Reino Unido, e nalgún día por anunciar en Xapón.

Dependendo da localización actuarán artistascomo Avicii, Axwell e Ingrosso, Martin Garrix, Glantis, Losst Frequencies, Sigma, Zedd, Afrojack, Lost Kings ou Party Thieves.

Summerfest 

Milwaukee, Wisconsin 

(Xuñ.29-Xul.3 / Xul.5-10)

Con once días de duración e once escenarios, e fundado en 1968, Summerfest é considerado o maior festival musical do mundo, cunha media de 800.000/1.000.000 persoas anualmente e con máis de 700 bandas formando parte. O festival inclúe actuacións de comedia e fogos artificiais entre outras atraccións.

Entre moitos outros, actuarán Panic! At The Disco, Selena Gomez, Blake Shelton, Weezer, Sting, Peter Gabriel e Luke Bryan.

Firefly 

Dover, Delaware (Xuñ.16-19)

Realizado por primeira vez en 2012, Firefly ten lugar durante catro días nos cales búscase o ambiente da costa este, cun gran espazo exterior dispoñible para acampar. Está formado por un conxunto de sete escenarios, e realízanse ademais diferentes tipos de actividades coas que agasallar aos asistentes durante o día.

Alúns anunciados para este ano son os artistas Mumford & Sons, Kings of Leon, Florence & the Machine, Deadmau5, Disclosure, Blink-182, The 1975, Major Lazer, Tame Impala, The Neighbouthood, Two Door Cinema Club, The Wombats, Catfish & the Bottlemen e Ludacris.

Coachella 

Indio, California (Abr.15-17 / 22-24)

Fundado en 1999, pero non celebrado de novo ata dous anos despois, este festival inclúe xéneros musicais como o rock, indie, hip hop e electrónica, e está formado por 6 escenarios principais ademais de diversas instalacións, esculturas e lugares adecuados para acampar. Ten un gran recoñecemento mundial, sendo un dos festivais máis demandados dos últimos anos.

Este ano formarán parte A$AP Rocky, Calvin Harris, Deafheaven, Disclosure, Ellie Goulding, Foals, Halsey, Guns n’ Roses, James Bay, Lido, Lost Frequencies, Major Lazer, The Front Bottoms, Sia, Years & Years e 
Zedd entre outros.

Bonnaroo 

Manchester, Tennessee (Xuñ.9-12)

Festival de catro días producido por Superfly Presents e AC Entertainment que ten lugar dende 2002, formado por múltiples escenarios onde poder disfrutar de música de variados estilos, dende o indie rock ata o hip hop, pasando por jazz, reggae, electrónica, folk, gospel ou alternativa. En 2003 foi calificado pola revista Rolling Stones como un dos grandes momentos musicais no rock n’ roll. O número de visitantes ronda os 80.000/90.000 anualmente.

Algúns dos artistas anunciados este ano son Pearl Jam, Ellie Goulding, Macklemore & Ryan Lewis, Death Cab For Cutie, Halsey, Haim, Chvrches, Bando of Horses, Lamb of Gos, Tyler the Creator, Oh Wonder, Bully e Twin 

Peaks entre outros.

Austin City Limits 

Austin, Texas. (Sep.30-Oct.2 / Oct.7-9)

Producido pola compañía C3 Presents e formado por oito escenarios, este festival fundado en 2002 ten unha media duns 450.000 visitantes cada ano, que acoden aos diferentes concertos de música rock, indie, country, folk, electrónica e hip hop que teñen lugar nestes dous fins de semana consecutivos.

Este ano formarán parte artistas como Kendrick Lamar, Alabama Shakes, Leon Bridges e Ryan Adams entre outros.